Um netfundinn

Á fundinum er rætt um niðurstöður könnunar sem brandr gerði í byrjun maí um fylgi, ímynd og styrkleika forsetaframbjóðenda.

Margt áhugavert kom fram í könnuninni, sem 1.432 Íslendingar tóku þátt í, þar á meðal að Halla Hrund Logadóttir hafði mesta fylgið og flest sögðu að þau yrðu sátt við hana sem forseta. Að meðaltali sögðu svarendur að ígrundun réði um 60% í vali þeirra á frambjóðanda og um 40% tilfinning. Kolbeinn taldi að tilfinning réði mun meira í vali fólks á frambjóðendum og tók Katrín Júlíusdóttir undir það. Þegar þátttakendur í könnuninni voru beðnir um að skrifa eitt orð sem lýsti persónuleika þeirra frambjóðenda sem þeir settu í fyrsta eða annað sæti kom í ljós að „heiðarleg“ var algengasta orðið sem lýsti Höllu Hrund Logadóttur, „traustur“ var aðalorð Baldurs og „traust“ var orð Katrínar, „klár“ lýsti helst Höllu Tómasdóttur og „skemmtilegur“ var algengasta orðið um Jón Gnarr.

Spjallið í heild sinni með öllum niðurstöðum könnunarinnar getur þú séð og heyrt í spilaranum hér að ofan.

Þátttakendur á netfundinum voru:
Katrín Júlíusdóttir, Rithöfundur og fyrrverandi ráðherra og alþingismaður
Kolbeinn Marteinsson, ráðgjafi í samskiptum og almannatengslum
Kristján Már Sigurbjörnsson, rannsóknarstjóri brandr
Þorlákur Karlsson, könnuður hjá brandr