Eftir vinnustofur er útbúin skýrsla sem sérfræðingar brandr kynna fyrir stjórnendum fyrirtækis. Rýnt er í sjálfsmynd vörumerkis en það er sú mynd sem starfsfólk hefur á eiginleikum eigin fyrirtækis. Skýr sjálfsmynd bætir samskipti við viðskiptavini og aðra hagsmunaaðila og stuðlar að sterkari ímynd út á við.

Ímyndaruppbygging hefst alltaf innan veggja fyrirtækisins og er því mikilvægur hluti af stefnu. Niðurstöður úr vitundarspilinu kjarna sjálfsmynd fyrirtækisins eða vörumerkisins í hugum þátttakenda og er skilað í formi leiðarljósa fyrir stjórnendur. Stjórnendur nýta síðan leiðarljósin til stefnumótunar eða til að sjá hvort breytinga er þörf í innri markaðssetningu.

Sterk sjálfsmynd fyrirtækja er grundvöllur fyrir því að vörumerki geti hámarkað árangur og arð því ímynd úti á markaðnum á að vera spegilmynd af sjálfsmynd.

Við bjóðum upp á að hafa einstaka vinnustofur á ensku ef óskað er og einnig að spila að rafræna vitund með appi þar sem stórir hópar geta tekið þátt í tölvu eða síma.