Stjórnendur Haga leituðu til brandr í upphafi nýrrar stefnumótunarvinnu sem hófst í upphafi árs 2021 fyrir vörumerkin Hagkaup, Bónus og Olís. Markmið þeirrar vinnu var meðal annars að efla samband við viðskiptavini, skilja þá betur og hjálpa þeim að skilja betur starfsemi þessara vörumerkja. Mikilvægur hlekkur í þessu verkefni var m.a. að móta ásýnd og aðgreiningu vörumerkjanna þriggja sem var gert með vörumerkjarýni fyrir hvert vörumerki. Vörumerkjarýni er í grunninn stefnumótunarvinna, unnin af ráðgjöfum brandr ásamt starfsfólki hvers vörumerkis fyrir sig, sem varð að lokum grunnur að nýrri vörumerkjahandbók.

Vörumerkjahandbókin hefur nú verið nýtt við innleiðingu nýrrar ásýndar Olís sem meðal annars hentar betur fyrir þá stafrænu miðla sem nú eru við lýði. Vegna þess hve djúpar rætur Olís á í íslensku samfélagi þótti mikilvægt að halda vel í og skerpa betur á kjarna vörumerkisins í gegn um vörumerkjarýnina. Hér má sjá brot af þeirri vinnu sem brandr tók að sér í samstarfi við hina alþjóðlegu vörumerkjastofu Saffron Brand Consultants.