Vörumerkið og mótun þess er öflugasta stefnumótunartæki sem stjórnendur hafa. Vörumerkið segir okkur hvernig við bregðumst við breytingum, hvernig við þjónustum viðskiptavinum, hvernig við högum okkur og hvernig við tjáum okkur.
Vörumerkið er ekki myndmerkið sem við stimplum framan á umbúðir eða merkjum skrifstofurnar okkar með. Vörumerkið eru allar tengingarnar sem við búum til og festum myndmerkið á. Það hefur áhrif á hvernig við seljum vöruna, hvernig við ráðum og þjálfum fólk.
Fyrir okkur er vörumerkið hjartað og heilinn í starfsemi allra fyrirtækja. Árangur fyrirtækja ræðst af því hversu vel vörumerki þeirra ná að tala við neytendur og viðskiptavini.