„Samstarf SS og Friðriks Larsen á sér langa sögu og hófst fyrir mörgum árum með ráðgjöf við stefnumótunarvinnu og stjórnendafundi SS sem mikil ánægja var með.
Þegar Friðrik stofnaði brandr sáum við þar fagmennsku í vörumerkja- og markaðsmálum sem við töldum mikilvæga fyrir SS.
Undanfarin 7-8 ár eða svo hefur brandr séð um viðhorfskannanir og rýnihópa til að meta stöðu lykilvörumerkja SS þ.e. SS vörumerkið og 1944 vörumerkið.
Byggt á þessum niðurstöðum og ráðleggingum brandr höfum við uppfært vörumerkjastefnu okkar fyrir þessi merki og eftir atvikum umbúðir.
Í nýjustu könnun brandr á 1944 vörumerkinu komu fram ábendingar sem við töldum mikilvægt að bregðast við. Bæði að umbúðirnar þóttu ekki nútímalegar og svo hitt að fólk var ekki að skilja slagorðið „Fyrir sjálfstæða Íslendinga“ sem segir etv. eitthvað um áhuga fólks á sögukennslu því auðvitað erum við öll hluti af sjálfstæðri þjóð og því sjálfstæðir Íslendingar. Þó ekki hefði verið beðið um það í upphafi þá lagði brandr fram hugmyndir að uppfærslu á 1944 vörumerkinu og uppsetningu á vörulínunni.
Tillögurnar voru að okkar mati frábærar og varð úr að brandr tók að sér hönnun á nýju útliti fyrir alla vörulínuna. Í verslunum má nú sjá að mjög vel hefur til tekist.
Þetta er reynsla okkar af samstarfi með brandr.
Vona samt að hún leiði ekki til þess að keppinautar okkar fari að vinna með brandr því þá væri betur heima setið.“